Hvat er Ergoterapi?
Ergoterapeutar gera tað møguligt hjá fólki at liva eitt virkið lív og at luttaka í samfelagnum hóast sjúku og/ella brek.
Ergoterapeutar fáa gerandisdagin at virka
Ergoterapeutar gera tað møguligt hjá fólki at liva eitt virkið lív og at luttaka í samfelagnum hóast sjúku og/ella brek.
Nær er tørvur á ergoterapi?
Tá sjúka og/ella brek, ella umstøður í umhvørvinum forða fyri, at til ber at liva eitt virkið lív og luttaka í samfelagnum.
Hvat ger ergoterapeuturin?
Í samstarvinum við persónin byrjar ergoterapeuturin altíð við at spyrja: “Hvat hevur týdning fyri teg at kunna gera í gerandisdegnum?”
Svarið og aðrar ergoterapeutiskar kanningar eru grundarlagið fyri, hvussu arbeitt verður víðari. Arbeitt verður við at venja og leggja til rættis aktivitetirnar í gerandisdegnum. Harumframt verður umhvørvið tillagað, soleiðis at møguligt er hjá viðkomandi at útinna dagligu aktivitetirnar, sum hava týdning fyri júst hann.
![](https://assets-global.website-files.com/6483a26a12fd07fa99fd4393/64890505ea4cadddb8c3bb3d_Almenn-heilsa.webp)
Almenn heilsa
Ergoterapeutar kunnu arbeiða við at fremja heilsu við at gera tað møguligt hjá øllum borgarum at hava eitt virkið lív. Tá arbeiða ergoterapeutar m.a. við hjálpartólum, atkomuviðurskiftum, á endurútbúgvingar- og arbeiðsumhvørvisøkjum, á stovnum, bústovnum og privatum virkjum.
![](https://assets-global.website-files.com/6483a26a12fd07fa99fd4393/648905059095455fa466bd7f_Barna-heilsa.webp)
Barnaheilsa
Ergoterapeutar kunnu arbeiða við børnum og ungum á dagstovnum, skúlum, fríðtíðarskúlum, serskúlum- og stovnum, í barna- og ungdómspsykiatri og annars í nærumhvørvium hjá barninum.
![](https://assets-global.website-files.com/6483a26a12fd07fa99fd4393/648905057beb1c9d9bf5a61e_Heilsa-a-eldraokinum.webp)
Heilsa á eldraøkinum
Ergoterapeutar kunnu arbeiða við eldri í egnum heimi og nærumhvørvi, á uppvenjingar- og virkishúsum, dagtilhaldum og røktarheimum. Ergoterapeutar kunnu eisini arbeiða við eldri á sjúkrahúsum og á sereindum fyri fólk við demenssjúku.
![](https://assets-global.website-files.com/6483a26a12fd07fa99fd4393/64890505751d0f55b4bcf09e_Salarlig-heilsa.webp)
Sálarlig heilsa
Ergoterapeutar kunnu arbeiða við fólkum, sum hava sálarligar trupulleikar, í heimi, nærumhvørvi og á arbeiðsplássum teirra; á psykiatriskum sjúkrahúsum og í økis- og sosialpsykiatriini.
![](https://assets-global.website-files.com/6483a26a12fd07fa99fd4393/64890505c0954b675a14205a_Likamlig-heilsa.webp)
Likamlig heilsa
Ergoterapeutar kunnu arbeiða við fólkum, sum hava likamligar trupulleikar, likamlig brek og sjúkur. Arbeitt verður í egnum heimi, nærumhvørvi og á arbeiðsplássum teirra; á rehabiliteringsmiðstøðum og á sjúkrahúsum.
![](https://assets-global.website-files.com/6483a26a12fd07fa99fd4393/648905050421491be3ccd86c_Heilsa-a-arbeidsplassum.webp)
Heilsa á arbeiðsplássum
Ergoterapeutar kunnu arbeiða við heilsu og fyribyrging á arbeiðsplássum m.a. innan arbeiðseftirlit og sum ráðgeving.
![](https://assets-global.website-files.com/6483a26a12fd07fa99fd4393/64890505510c7c1e88dd740f_Folkaheilsa.webp)
Fólkaheilsa
Ergoterapeutar arbeiða við fyribyrgjan av sjúku og við heilsufremjan á samfelags-, bólka- og einstaklingastøði.